Regueifando a economía nos IES

Unha proposta de aopaso coa que improvisamos en verso para construír unha economía ao servizo das persoas:

Ai!, se queres desfrutare

aprendendo economía

proba un pouco a improvisare

rimando coas túas amigas.

Podemos regueifar, entre todas e todos, como parte da metodoloxía dun obradoiro de emprendemento cooperativo, xogando a rimar as ideas clave dunha sesión ou lanzando coplas para cantarlle a todo o IES que estamos a construír “economía ao servizo das persoas”.

Sempre desde a mirada da economía solidaria, feminista e ecolóxica. E sempre na busca de construír espazos lúdicos e inclusivos.

Regueifeira: Raquel “a Doallo”.